Tkompli l-kwistjoni dwar l-iżvilupp fil-bajja ta’ Ħondoq: Nature Trust b’appell quddiem il-MEPA

Pubblikata fuq l-Orizzont nhar l-Erbgha 19 ta' Mejju, 2010.

L-għaqda ambjentali Nature Trust appellet lill-Awtorità għall-Ambjent u l-Ippjanar (MEPA) biex ma tikkonsidrax il-proposta għal żvilupp ta’ proġett fil-Bajja ta’ Ħondoq ir-Rummien, liema proġett jinkludi wkoll jott marina. Nature Trust qalet li tħoss li dan l-iżvilupp imur kontra l-kunċett ta’ Eko-Għawdex għax hu żvilupp li mhux sostenibbli. Nature Trust irrakkomandat li minflok is-sit f’Ħondoq ir-Rummien jingħata għall-ispekulazzjoni, l-awtoritajiet għand hom jaraw li dan is-sit ikun rijabilitat u jinbidel f’park naturali.

Nature Trust saħqet li jekk l-awtoritajiet verament jem m nu fil-kunċett ta’ Eko-Għawdex, dawn allura lanqas biss għandhom jikkunsidraw pro ġett bħal dak ta’ Ħondoq ir-Rummien. Enfasizzat li l-bini u spekulazzjoni f’żoni barra l-iżvilupp, qiegħed ikompli jeq red il-ftit siti naturali li għandna f’pajjiżna.

Sadanittant, l-għaqda Nature Trust Malta kkundannat ukoll l-attakk vandalu li seħħ nhar is-Sibt li għadda, meta għadd ta’ siġar inqalgħu minn żona fil-Qala Għawdex. Fi stqarrija għall-istampa maħ ruġin mill-għaqda ntqal li atti bħal dawn huma attakk kontra s-soċjetà inġene rali u juru l-injoranza ta’ dawk li wettquhom.

In-Nature Trust qalet li kie net nediet il-kampanja Green 2000 f’Jannar ta’ għa xar snin ilu. L-għan kien li aktar persuni u organizzazzjonijiet jadottaw siġra u fl-istess waqt titqajjem kuxjenza dwar l-importanza ta’ siġar indiġini f’Malta. Fid-dawl ta’ dan kollu, l-għaqda hija sodisfatta li kemm il-Gvern kif ukoll l-awtoritajiet qegħdin jieħ du l-eżempju ta’ din il-kam panja u għal din ir-raġuni qegħdin jitħawlu aktar si ġar.

Fl-istqarrija jingħad ukoll li dan l-inċident mhux qed jgħin biex timmaterjalizza l-viż joni ta’ Eko-Għawdex, u għal daqstant l-għaqda qiegħ da tħeġ ġeġ biex il-Pulizija tinvestiga dawn ir-reati.